ગુજરાત પંચાયત અધિનિયમ ૧૯૯૩ની કલમ ૧ર૩ ની જોગવાઈ મુજબ તેમજ ગુજરાત તાલુકા પંચાયત સામાજીક ન્યાય સમિતિ(રચના અને કાર્યો) બાબત ના નિયમો ૧૯૯પ થી નકકી કરવામાં આવેલ છે. આ સમિતિની સભ્ય સંખ્યા પ થી વધુ નહીં તેટલી રહેશે. તાલુકા પંચાયતના ચુંટાયેલ સભ્યોમાંથી આ સમિતિમાં વાલ્મીકી (સફાઈ કામદાર) કોમના એક સભ્ય પંચાયતમાં તે કોઈ સભ્ય ન મળે તો પંચાયતના સભ્ય તરીકે ચુંટવાની લાયકાત ધરાવતી વ્યકિતને કો ઓપ્ટ કરશે. તેમજ અનુસુચિત જાતિ અને અનુસુચિત જાતિઓની અનામત બેઠકો ઉપર ચુંટાયેલા પંચાયતના સભ્યોમાંથી સમિતિના બાકી સભ્યો નિમશે. તેમાં આોછામાં ઓછી એક સ્ત્રી હોવી જોઈએ. તેમ છતાં સભ્ય પુરતી સંખ્યામાં ન થાય તો પંચાયતના સભ્ય તરીકે ચુંટવાને લાયક હોય તેવી આ જાતિઓમાંથી કોપ્ટ કરશે. કો ઓપ્ટ સભ્યોને સમિતિમાં મત આપવાનો હકક છે. પરંતું સમિતિના અઘ્યક્ષ થઈ શકશે નહીં. આ સમિતિની મુદત તાલુકા પંચાયતની મુદત જેટલી રહેશે. આ સમિતિના કાર્યો અને ફરજો નિયમોથી નકકી કરાયેલ છે. જેથી તાલુકા પંચાયત પાછા લઈ શકતી નથી. આ સમિતિના અઘ્યક્ષ સમિતિના સભ્યો ચુંટશે.